Млекарите со трактори го блокираа Брисел
Објавено во: Агробизнис 26 Ноември, 2012
Стотина производители на млеко од неколку земји на ЕУ денеска со трактори го блокираа плоштадот Шуман во Брисел, за да протестираат против ниските цени на млечните производи.
Производителите на млеко од Белгија, Холандија, Германија и Франција во рамки на акцијата „1.000 трактори“ го затворија приодот кон европските институции, а планираат и движење на штрајкувачката колона низ центарот на градот.
Градските власти на Брисел ги предупредија граѓаните денеска да не користат автомобили, бидејќи сообраќајот ќе биде блокиран поради протестите.