ММФ: Грчкиот долг неодржив без дополнителна помош од ЕУ
Објавено во: Балкан 18 Јануари, 2013
На Грција ќе и биде потребна дополнителна помош од европските партнери за до 2016 година да го стави под контрола својот долг, изјави денеска шефот на мисијата на ММФ во Грција, Пол Томсен.
- Според нашите прелиминарни проекции за 2015-2016, присутен е јаз од 9,5 милијарди евра, изјави Томсен на прес конференција. - Од клучно значење е Европејците да бидат известени за постоење на јазот кој ќе мора да го исполнат, додаде Томсен.
ММФ врши притисок врз Европа да преземе дополнителни напори во решаавње на грчката должничка криза откако Фондот одлучи да и го продолжи на Грција рокот за отплата на заемот на четири од првичните три години и намали каматни стапки на заемот. Томсен укажа дека ММФ смета од „не е реално“ Грција пред крајот на 2014 година да се врати на пазарите на капитал.