ММФ СО НОВ УДАР: На ред во Грција се правата на работниците
Објавено во: Балкан 26 Октомври, 2016
Грчкиот министер за труд Јоргод Катругалос рекол дека преговарачите од ММФ заземале „естремно неолиберални“ позиции на почетокот на новата рунда разговори во Атина.
Катругалос рекол дека тоа се однесува на барањата значајно да се намали моќта на синдикатот и правата на работниците.
Катругалос рекол дека грчката влада му се спротивставила на олеснувањето на колективно отпуштање во компании во проблеми и побарала враќање на колективните договори меѓу синдикатот и работодавецот кои се укинати според претходниот договор за помош на Атина.
Претставници од меѓународните кредитори се вратија во Атина минатата недела бидејќи кредиторите одобриле рата помош во вредност од 2,8 милијарди евра, што формално го одобри механизмот на ЕУ за помош.
Грција во јули 2015 после напнати разговори со кредиторите, во текот на кои била на раб на финансиски колапс и излез од еврозоната, договори трет пакет помош, вреден околу 86 милијарди евра, со кој е условена да спроведе додатни болни мерки на штедење и реформи.
Грција се потпира на меѓународната помош од 2010 година , бидејќи била соочена со банкрот и потенцијално катастрофален излез од еврозоната.