Модернизација на гасната мрежа за привлекување на инвеститори-Грција готви гасна револуција

Добивај вести на Viber

Грција се подготвува за претстојната гасна револуција. Земјата работи за реализација на важни магистрални гасоводи- Трансјадраснкиот гасовод (TAP), чија изградба брзо напредува, EastMed преку кој ќе се пренесува новоотворениот гас во Средоземното Море, како и нови терминали за течен гас.

Покрај овие големи планови Атина започнува и модернизација и проширување на внатрешната мрежа на природен гас. Грчкото издание To Vima, цитирано од агенциите, ги открива плановите на гасно разпределени компании во земјата да инвестираат во мрежата. Во 2017- 2018 година на пример гасната мрежа во Солун и Тесалија ќе биде зголемена за 20%. Во Атика ќе бидат изградени 100 километри гасни мрежи и објекти.

Слични планови за развој постојат и во другите области на земјата во наредните години.

Така, Грција сé повеќе станува крстопат на природен гас во регионот и со амбициозност да ја замени сегашната лидерска улога на Бугарија. Во оваа фаза, соседна Бугарија земја има сериозна предност токму поради добро развиената гасна мрежа - повеќето компресорски станици, на пример, се наоѓаат на нивна територија.

Меѓутоа, во последниве години, Атина активно работи на промена на статус кво. Земјата започна заборавени проекти во потрага по нафта и природен гас по крајбрежјето и е еден од двигателите на плановите за пренос на природен гас од новите перспективни наоѓалишта крај брегот на Кипар и Израел.

Продажбата на 66% од гасните средства на Десфа, исто така, сугерираат промена во расположението за развој на секторот. Пред неколку години, грчката влада не успеа да собере понуди за продажба на имот, што беше направено при инсистирањето на доверителите. Единствен кандидат беше Азербејџанската Сокар, која, сепак, не ги исполни сите барања на Европската комисија и се откажа од договорот.

Во последната постапка, лансирана во пролетта на 2017 година, сепак интерес изјавија шест компании, а приватизациониот фонд на Грција селектира двајца од кандидатите за учество во следниот чекор од процесот.

Генерално, Грција планира големи промени во својот енергетски сектор, а промените нема да се фокусираат само на гасната мрежа.

Ana Mpa наведува во свој коментар дека во енергетиката веќе се појавува конкуренција, како државната PPC губи монополски позиции - на пример во секторот на електрична енергија, откако кинески инвеститор купи удели од Admie. Компанијата продава сопствени средства - јаглен и електрични централи за да ја намали својата доминантна позиција на пазарот.

Атина, исто така, ги исполни барањата на доверителите за создавање на енергетска размена со ден-за-ден и секојдневно тргување и балансирање на енергетските сектори. Плановите за ова ќе бидат објавени на јавна расправа во октомври, и веројатно енергетската размена ќе стартува на почетокот на 2018 година.

Така, со општа промена на енергијата, потрошувачите ќе уживаат поголем пазар и можеби пониски цени, а земјата ќе привлече повеќе внимание на инвеститорите кон себе.

Модернизација на гасната мрежа за привлекување на инвеститори-Грција готви  гасна револуција