21 Јануари, 2018
0.3887
    ALK 7650    0.02%     BESK 9991    -3%     GRNT 824.02    0.32%     KMB 3152.12    0.17%     MTUR 4250    1.19%     OHB 5200    4%     OKTA 3111    -8.96%     RMDEN16 94.4    0%     RZUS 113    9.51%     SLAV 6100    95.89%     STB 960    1.65%     STIL 151.56    0.58%     TIKV 153    -2.55%     TKVS 3202    1.72%     TNB 13228.04    0.22%     TTK 951.17    1.04%     UNI 2000    0.03%     ZPKO 2710    4.23%

Мони Дамевски: „Македонија“ е фасцинантна серија

Објавено во: Стил 13 Ноември, 2017

Серијата Македонија  започнува да се емитува Тоа е серија на која се работеше две години. Снимањето се реализираше во Македонија, Хрватска, Франција и САД. 

Во серијата, која според амбициозниот план треба да има  4 сезони и вкупно 80 епизоди, поревејува плејада од докажени актерски имиња меѓу кои се: Мони Дамевски, Емил Рубен, Александар Михајловски, Александар Ристовски, Дејан Лилиќ, Марко Ковачевиќ.

За серијата, разговараме со Мони Дамевски

Фактор:  Дали сметате дека серијата Македонија ќе и се допадне на публиката?

Мони Дамевски –Во текот на повеќе од 40 години работа на полето на театарот и филмот, низ рацете ми поминале многу, многу драмски текстови и сценарија, некои од помалку познати, а други од многу познати, па дури и славни светски автори. Темата некогаш ми се допаѓала, некогаш не, зашто тоа е прашање на вкус. Но, квалитетот на сценариото е мерлива категорија која е секогаш видлива и јасна. Оттука, мислам дека ќе кажам се, ако речам дека сценариото за ТВ серијата „Македонија“ е најдоброто нешто што сум го прочитал на полето на ТВ продукцијата во текот на мојата професионална кариера. Извонредно напишано, а воедно и возбудливо, и како тема и како приказна, барем за мене, тоа ме плени при првото читање, а се вљубувам се подлабоко со секое наредно. Ако згора на тоа биде реализирана така како што до сега се работеше и ако изгледа како што изгледа промотивниот материјал што завчера беше објавен на YouTube, јас мислам дека никого нема да остави рамнодушен и незаинтересиран, а јас ќе бидам горд што сум дел од овој проект.

Фактор: Дали крајот зависи од љубовта?

Мони Дамевски – За мене да. Зависи од нашата љубов кон ова парче земја што го нарекуваме татковина, и пред сè и над се од нашата љубов и почит кон нашите сограѓани. При тоа, љубовта за која зборувам не е филозофска категорија, туку е начинот на кој се однесуваме кон Македонија, односно Македонците. Зашто само така може да се измери вистинската љубов. Инаку, за каква љубов зборуваме, ако велиме дека ја сакаме татковината, а ги уништуваме нејзините шуми со пожари, или фрламе ѓубре на нашите улици и по нашите падини, или ги уништуваме тротоарите возејќи по нив со нашите автомобили. Истото важи и за нашите постапки кон нашите сограѓани. Кога ќе умееме да ги сакаме, односно да ги почитуваме, да им помагаме и да соработуваме со нив, не врз база на нивната политичка или верска припадност, туку заради нивните вистински вредности-како луѓе, родители или професионалци-тогаш ќе имаме Македонија во која ќе биде радост да се живее и сите ќе ја нарекуваат своја, без при тоа да мечтаат да бидат дел од нешто друго.

Фактор: Вие бевте дел од екипата на серијата. Какви се впечатоци од снимањето?

Мони Дамевски – Сѐ уште сум, зашто ние сè уште снимаме, а впечатоците се феноменални. Како што веќе реков, извонредни и јасни сценарија (што е сон за секој актер), исклучителна екипа, соработка и разбирање, третман како да сте ѕвезда (и во Македонија и во Хрватска) и навремено плаќање… напросто задоволство да се работи.

Фактор: Колку до екипата допре прашањето „Што е Македонија?“?

Мони Дамевски – Би сакал да појаснам нешто за кое мислам дека има создадено голема забуна последниве неколку месеци, зашто гледам дека во јавноста доста се шпекулира за тоа. Имено, серијата „Македонија“ не е серијал на историски емисии работени за History Channel, туку играна ТВ серија. Со други зборови, станува збор за фикција – измислена љубовна приказна, авантура полна со страст, падови и успеси, чија цел е да ја возбуди, забавува, натера на размислување и понекогаш едуцира публиката што ќе ја следи, каде и да е во светот. Бидејќи во неа понекогаш патуваме низ македонската историјата, при обработката на историски настани и ликови кои фактички постоеле или се случиле, серијата се држи до историските факти. Патем, за мене и дел од нив беа фасцинантни, зашто не сум ги среќавал во литературата што сум ја читал до сега. Но, голем дел од ликовите, и во сегашноста и во минатото, се измислени, како што се измислени и нивните лични приказни. Е, тоа испреплетување на минатото и сегашноста, на фикцијата и реалноста, и оригиналниот начин на којшто е изведено, е тоа што оваа серија ја прави посебна и го плени секој што го читал сценариото.

Можеби ќе ве интересира

Интервју Ида Протугер Вељковиќ: Докторот ми рече „нема надеж“, но јас решив да се борам

Интервју Ида Протугер Вељковиќ: Докторот ми рече „нема надеж“, но јас решив да се борам

ЖЕНСКИ МУАБЕТ СО ЕДИНА МУСА, КОШАРКАРКА И ФИТНЕС ШАМПИОН: Сексапилот ми е само плус

ЖЕНСКИ МУАБЕТ СО ЕДИНА МУСА, КОШАРКАРКА И ФИТНЕС ШАМПИОН: Сексапилот ми е само плус

Отворено со Маја Величкова: Најдобро што знам, љубовта да ја растам

Отворено со Маја Величкова: Најдобро што знам, љубовта да ја растам

ОТВОРЕНО СО ПЕЈАЧКАТА РОСАНА САРИЌ-ТОДОРОВСКА: Без Маријана, душата ми е на половина

ОТВОРЕНО СО ПЕЈАЧКАТА РОСАНА САРИЌ-ТОДОРОВСКА: Без Маријана, душата ми е на половина

НАУТРО ЧИСТЕЊЕ, НАВЕЧЕР КУРС: Еве како е во Германија

НАУТРО ЧИСТЕЊЕ, НАВЕЧЕР КУРС: Еве како е во Германија

На македонската јавност ќе и недостигаат моќните дела и уникатниот хумор на Шуки

На македонската јавност ќе и недостигаат моќните дела и уникатниот хумор на Шуки

(ГАЛЕРИЈА) ЕМОТИВЕН ВАСИЛИЧАРСКИ КОНЦЕРТ ВО МОБ: Назад во времето на златните осумдесетти

(ГАЛЕРИЈА) ЕМОТИВЕН ВАСИЛИЧАРСКИ КОНЦЕРТ ВО МОБ: Назад во времето на златните осумдесетти

Има 11 милиони следбеници и открива како и за што ги користи социјалните мрежи

Има 11 милиони следбеници и открива како и за што ги користи социјалните мрежи

ШТО ПОДГОТВУВА Цукерберг: Фејсбук им нанесува сериозен удар на медиумските содржини

ШТО ПОДГОТВУВА Цукерберг: Фејсбук им нанесува сериозен удар на медиумските содржини