28 Март, 2024
0.0247

Може да се протурка рекордниот буџет со 279 амандмани

Објавено во: Финансии 27 Ноември, 2017

Добивај вести на Viber

Со поднесени вкупни 279 амандмани може да се „протурка“ расправата во Собранието за досега најголемиот државен буџет во висина од 3,4 милијарди евра со што новата Владата на СДСМ планира да ги води своите политики следната година, но и да ги опслужува обврските на државата кон пензионерите, административците и социјалните трансфери. 

Опозицијата очигледно нема изразена намера преку голем број на амандмани да и предизвика главоболки на власта и со солидната бројка од 279 амандмани ќе ја одржи расправата како во комисијата така и на пленарната седница во Собранието жива и активна и ќе може да посочи кои ставки се слабост на овој предлог буџет, што треба да се дополни, а што треба да се иземе од државната каса. 

Најголеми тензии при носење на буџет во досегашната историја имаше во 2012 година кога СДСМ поднесе над 1000 амандмани со цел да спречи распределба на државни пари кои сметаше дека ќе се злоупотребат за изборни цели и манипулации. Долгата расправа и можната блокада од опозицијата доведе до насилната интервенција при што опозициските пратеници беа физички отстранети од пленарната сала на Собранието. Надвор имаше два голема протести предводени од поддржувачи на СДСМ и ВМРО-ДПМНЕ и за влакно беше избнегнат судир. 

Настаните од овој ден ги паметиме како Црниот понеделник, но такво нешто никогаш не треба да се повтори и треба предлозите на опозицијата ако се валидни и корисни да бидат земени во предвид, а не да се отфрлат по автоматизам.

Засега главните забелешки на опозицијата предводена од ВМРО-ДПМНЕ која поединечно има поднесено 204 амандмани се дека буџетот предвиден за следната година не покрива во голема мерка повеќе претходно започнати проекти кои требаше допрва да се зголемат, на пример субвенционирањето на греење на пелети на државно ниво. Досега само градот Скопје има предвидено средства за субвенции за тие што ќе купат печка на пелети, па сличен чекор одамна се очекува и од Владата на централно ниво со поголема сума на пари, особено што греењето од овој извор е поефикасно и поеколошко, но за таква инвестија не секој има пари. 

БЕСА поднесе 75 амандмани од кои повеќето имаат „етнички“ предзнак односно се бараат повеќе пари и средства од буџетот за проекти во местата низ Македонија каде претежно живеат Албанци за да има рамномерна и правична застапеност на сите даночни обврзници од кои се полни државната каса.

Во Собранието десен започнува расправата по Предлог-буџетот за 2018 година која според Деловникот ќе трае 10 работни денови. Предложениот буџет е на дневен ред во матичната Комисијата за финансирање и буџет. 

Вкупните приходи за 2018 година се планираат на ниво од 193.512 милиони денари, а расходите се планирани на ниво од 211.745 милиони денари, односно 3,4 милијарди евра. Вака планираните приходи и расходи резултираат со намалување на буџетскиот дефицит на ниво од 2,7 проценти од БДП или 18.233 милиони денари во апсолутен износ. Ќе се финансира од домашно и надворешно задолжување, а со цел да биде пониско задолжувањето, се зголемува акцизата на нафтата за три денари од 1 јануари 2018 година.

Со предложениот буџет пари се предвидени за капитални инвестиции, за навремена и непречена исплата на плати, пензии, социјални трансфери, поддршка на домашни компании. 

Вкупните приходи за наредната година се поголеми за 4,7 проценти во однос на оваа година, додека приходите за 4,1 процент.

Од даноци се планира да се соберат 114,979 милиони денари што е за 7,5 проценти повеќе од годинава. Од придонеси се очекуваат 55,403 милиони денари, односно за пет проценти повеќе од годинава. Ваквото зголемување е од очекуваното раздвижување на економијата, зголемување на вработеноста и на платите на вработените.

Автор: Христијан Станоевиќ

Можеби ќе ве интересира

Народната банка и гувернерката Ангеловска-Бежоска избрани од ЕБОР за водачи на проектот за женско претприемаштво во нашата земја

Народната банка и гувернерката Ангеловска-Бежоска избрани од ЕБОР за водачи на проектот за женско претприемаштво во нашата земја

Потрошувачки кредит на вашата сметка, додека уживате во топло кафе

Потрошувачки кредит на вашата сметка, додека уживате во топло кафе

БЕРЗИТЕ ИМАЛЕ ПОДОБРИ ДЕНОВИ: Намалување на индексите на Волстрит, S&P 500 во загуба трет ден по ред

БЕРЗИТЕ ИМАЛЕ ПОДОБРИ ДЕНОВИ: Намалување на индексите на Волстрит, S&P 500 во загуба трет ден по ред

ЗАМИНУВАЊЕТО НА ШЕФОВИТЕ ПОЗИТИВЕН СИГНАЛ ЗА ИНВЕСТИТОРИТЕ - Акциите на Боинг растат по промената на раководството на компанијата

ЗАМИНУВАЊЕТО НА ШЕФОВИТЕ ПОЗИТИВЕН СИГНАЛ ЗА ИНВЕСТИТОРИТЕ - Акциите на Боинг растат по промената на раководството на компанијата

СЕ ОГЛАСИ КОМЕРЦИЈАЛНА ПО ПРОДАЖБАТА НА ИМОТОТ НА ЕУРОНИКЕЛ - остануваме посветени да се наплатат доверителите и вработените, должниците веднаш да си ги платат обврските

СЕ ОГЛАСИ КОМЕРЦИЈАЛНА ПО ПРОДАЖБАТА НА ИМОТОТ НА ЕУРОНИКЕЛ - остануваме посветени да се наплатат доверителите и вработените, должниците веднаш да си ги платат обврските

Доларот зајакна по најавата за намалување на каматните стапки

Доларот зајакна по најавата за намалување на каматните стапки

ПОМАЛИ ТРОШОЦИ ЗА ПРЕКУГРАНИЧНИ ТРАНСАКЦИИ СО ПРИСТАП КОН СЕПА - со законски измени до побрз пристап

ПОМАЛИ ТРОШОЦИ ЗА ПРЕКУГРАНИЧНИ ТРАНСАКЦИИ СО ПРИСТАП КОН СЕПА - со законски измени до побрз пристап

КИНЕСКОТО ЧУДОВИШТЕ ЗА ОНЛАЈН ШОПИНГ СТАНУВА СЕ ПОГОЛЕМО:„Амазон е на стероиди!“

КИНЕСКОТО ЧУДОВИШТЕ ЗА ОНЛАЈН ШОПИНГ СТАНУВА СЕ ПОГОЛЕМО:„Амазон е на стероиди!“

КОЈ ПЛАТИ 753 ИЛЈАДИ ЕВРА ЗА АКЦИИ НА СТОПАНСКА БИТОЛА ВО ЕДЕН ДЕН - има ли ова поврзаност со најавеното припојување кон Комерцијална банка

КОЈ ПЛАТИ 753 ИЛЈАДИ ЕВРА ЗА АКЦИИ НА СТОПАНСКА БИТОЛА ВО ЕДЕН ДЕН - има ли ова поврзаност со најавеното припојување кон Комерцијална банка