МОЖЕБИ ОВА Е ШАНСА ЗА ВАС: Сместете се бесплатно во Германија
Објавено во: Свет 30 Април, 2017
„Сместување за помош“ е проект кој функционира во Германија и им помага на оние со плитки џебови да дојдат до покрив над главата.
Пензионерката Адел и студентот Гена веќе 4 години живеат заедно.
Таа по смртта на сопругот останала дома сама за прв пат по 46 години, имала голема куќа и решила да се вклучи во проектот.
„Сакав да сместам некој од Шпанија за да си го подобрам јазикот или од Кина“ - вели Адел.
Но, таа добила студент од Казахстан. Жената има огромна куќа и три деца кои живеат по Европа. Студентот има услови какви што не би можеле да му обезбедат неговите родители.
„Јас сакам мир затоа што ми е потребен за учење“ - вели Гена.
Половина од лицата кои наоѓаат сместување преку овој проект се странци кои студираат во Германија.
Александра Џејбан од студентската канцеларија раскажува дека нудат сместување во 40 градови во Германија, а еден од нив е Кил.
Идејата е едноставна, студентите помаѓаат во куќата и добиваат бесплатно сместување.
Обично помагаат за поправки во домот, одржување на градина, да ги прошетаат милениците и слично.
Пензионерите се пријавуваат за да нивната куќа не биде празна.