Му недостига Риека, но во Даблин има пристоен живот
Објавено во: Финансии, Балкан 21 Јули, 2017
Андреј Калач е млад човек од Риека, Хрватска кој не сакал да живее од денес за утре и заминал во Даблин.
Вели дека ако во Риека има работа и надвор од сезоната, младите не би заминувале.
Има само 23 години и претходно работел на Крк каде без слободен ден работел цела недела и по 12 часа дневно, а потоа бил келнер во Риека.
Раскажува дека во Даблин заработува по 1700 евра месечно, а му се допаѓа тоа што платата ја добива неделно.
„Немам некој план дали цел живот ќе останам во Даблин, затоа што немам семејство, уште сум млад. Размислувам да се запишам на студии во Даблин, јазик знам перфектно, само треба да донесам одлука“ - вели Калач.
Во Ирска барал работа во маркетинг агенција и раскажува дека Ирците им даваат шанса на младите. Но, тој оваа работа ја одбил затоа што се плаќало по учинок, а тој немал искуство со реклами.
Се вработил во ресторан каде по три месеци добил покачување на плата.