Муслиу: Деморализираната каста не може да го запре конституирањето на институциите
Објавено во: Македонија 07 Мај, 2017
Според аналитичарот Алберт Муслиу ВМРО-ДПМНЕ повеќе нема никакви политички изговори ниту можности да го блокира Конституирањето на Собранието, ниту институциите кои допрва ќе се формираат, а од друга страна нивните обвинување дека мнозинството делува надвор од Уставот паѓаат во вода.
„Легалноста на Талат Џафери се потврдува со парламентарното мнозинство што го изгласа и ако тие имаат каков било спор во врска со парламентарното мнозинство, имаат начини, според Деловникот на Собранието, да бараат индивидуално гласање, но не и да го блокираат системот. Ова се зборови на деморализирана каста, која веќе разбра дека не може да го запре конституирањето на институциите на Македонија. Сега имаме конституирано Собрание, ќе се формираат парламентарните комисии, ќе биде формирана и новата влада, а сите оние кои ќе почнат да ја блокираат или да ја попречуваат работата на сите овие тела ќе сносат законска одговорност која им следува“, вели аналитичарот Алберт Муслиу за Алсат М.