МВР ВО АКЦИЈА: Тинејџери разбојници напаѓале во продавници и одземале дневни промети
Објавено во: Македонија 14 Февруари, 2018
Во акција на полицијата е откриена разбојничка група која оперирала низ Скопје.
За ова денеска информираа од МВР од каде што велат дека се поднесени кривични пријави за делото „разбојништво“ и тоа за тројца 18-годишници, еден деветнаесет годишник и еден на 17 години.
Кривичните дела младите тинејџери ги направиле во последните два месеци.
Првото разбојништво го направиле во во продавница на ул. „Козле-1“ во Скопје каде што со закана со безбол палка и нож од вработените го одзеле дневниот промет од околу 16.500 денари, а втората во маркет на ул. „Рузвелтова“ во Скопје каде со закана со безбол палка одзеле околу 30.000 денари и 30 кутии цигари.
Потоа, на сличен начин околу 21.55 часот во самопослуга на ул. „1“ во Ново Село, скопско од вработената го одзеле дневниот промет од околу 11.000 денари.
Меѓутоа, информациите на МВР велат дека истите тие на 03.02.2018 година околу 19.30 часот во мини маркет во с.Визбегово, скопско, со закана со безбол палка и нож од вработената го одзеле дневниот промет од околу 30.000 денари и неколку кутии со цигари, а пет дена подоцна односно на 08.02. околу 20.30 часот извршиле разбоjништво во продавница на ул. „Борис Сарафов“ од каде што го одзеле дневниот промет во висина од 20.000 денари. На 10.02.2018 година околу 18.30 часот во продавница во Радишани, скопско, пријавените со закана со пиштол од вработената го одзеле дневниот промет од околу 20.000 денари.
При извршените претреси во нивните домови се најдени предмети од интерес на истрагата а пријавените ги признале делата при приведување во полиција.