23 Септември, 2017
0.5329
    ALK 7297.6    -0.03%     GRNT 870    -0.99%     KMB 2883.3    -1.59%     KPSS 485    -2.81%     KVAS 10670    -3%     MPT 30201    -2.58%     MTUR 4700    2.17%     OKTA 3300    10%     PKB 14500    0.07%     RZUS 120    -1.64%     SBT 2219.26    -0.89%     STB 938.54    -1.78%     STIL 134    3.08%     TEL 279    -0.49%     TNB 13300    0.4%     TPLF 1601    -0.32%     TTK 776    -3%

МЗШВ ПЛАТИ 207 ИЛЈАДИ ЕВРА ЗАОСТАНАТ ДОЛГ ЗА ОДБЛОКИРАЊЕ НА ПРОЕКТОТ ЈУЖНОВАРДАРСКА ДОЛИНА

Објавено во: Агробизнис 01 Септември, 2017

Министерството за земјоделство, шумарство и водостопанство денеска плати 207.000 евра, заостанат долг за консултантски услуги за проектот „Програма за наводнување Јужно-вардарска долина“ - втора фаза. На овој начин, ја откочуваме реализацијата на проектот, која беше блокирана, поради тоа што претходната Влада не плаќала редовно за консултантски услуги во изминатите две години.

Со подмирувањето на долгот овозможивме меѓународниот консултант на  проектот да продолжи со работа, а со тоа и да се продолжат активностите за изградба на системите за наводнување во Валандовскиот регион. Ова е една од повеќето активности преземени за подобрување и унапредување на соработката со германската кредитна банка за обнова „KfW“. 

Реализацијата на програмата, согласно договорените услови, требаше да почне минатата година. Но, поради неплаќање на фактурите, реализацијата е пролонгирана за една година. Иако немало никаква законска и финансиска пречка, фактурите пристигнувале во МЗШВ, но не се плаќале, што довело до зголемување на давачките на државата кон кредиторот, односно плаќање на каматите за неизграден објект. Ваквото работење веќе е предмет на ревизија, која треба да ги утврди причините и последиците од неплаќањето, за што ќе има и одговорност.

Со овој проект е предвидено реконструкција, рехабилитација и изградба на систем за наводнување од околу 2.000 хектари во регионот на Удово, Јосифово и Пирава. Изведбата на градежните работи се очекува да започне во првиот квартал од следната година.

За реализација на втората фаза од овој проект, предвидени и обезбедени се  околу 16 милиони евра, преку кредит од германската банка и од буџетот на МЗШВ.

Проектот Јужно-вардарска долина е од витално значење за земјоделството во јужниот регион и со неговата реализација долгорочно ќе се реши проблемот со обезбедување на вода за наводнување во овој регион.

Освен овој проект, за јужниот регион на Република на Македонија, во тек е изградба на браната Конско, со која ќе се обезбедат количини на вода потребни за наводнување на околу 6.500 хектари во регионот од Гевгелија до Дојран, и изградба на мали иригациони системи, проект во соработка со ИПА во вредност од 5 милиони евра.

Ваквите зафати се потврда на зацртаните приоритети во Програмата на Владата во делот на санација на постојните системи за наводнување, изградба на нови, кои освен што ќе го зголемат водниот потенцијал ќе придонесат за трајно решавање на проблемите на земјоделците со наводнување, што ќе биде предуслов за развој на целокупниот земјоделски сектор.

Можеби ќе ве интересира

МЗШВ достави 13.580 барања до Бирото за судски вештачења за проценка на штетите од годинешните пролетни мразеви

МЗШВ достави 13.580 барања до Бирото за судски вештачења за проценка на штетите од годинешните пролетни мразеви

Министерот Николовски најави системски мерки за развој на пчеларството

Министерот Николовски најави системски мерки за развој на пчеларството

МЗШВ формираше Комисии за вршење на увид на настанатите штетите од невремето на 11-ти септември

МЗШВ формираше Комисии за вршење на увид на настанатите штетите од невремето на 11-ти септември

Климатските промени погубни за земјоделскиот труд - МЗШВ со конкретни мерки

Климатските промени погубни за земјоделскиот труд - МЗШВ со конкретни мерки

МЗШВ: Два милиони денари за реновирање на метеролошките станици во Демир Капија, Штип и Крива Паланка

МЗШВ: Два милиони денари за реновирање на метеролошките станици во Демир Капија, Штип и Крива Паланка

Стимулирање на трансферот на знаења и иновации во земјоделството

Стимулирање на трансферот на знаења и иновации во земјоделството

Исплатени 125 милиони денари за субвенции

Исплатени 125 милиони денари за субвенции

МЗШВ почнува со ревизија: Како се доделувало државното земјоделско земјиште под закуп?

МЗШВ почнува со ревизија: Како се доделувало државното земјоделско земјиште под закуп?