На бизнисот му треба директна авио линија Скопје-Атина
Објавено во: Економија 21 Јуни, 2017
Бизнисмените од Македонија во соработка со нивните грчки партнери побараа да се воведе директна авио линија Скопје-Атина со цел да им се помогне при нивните релации. Покрај ова барања, денес од Сојузот на стопански комори ги посочија и проблемите со кои се соочуваат.
Голем број на мали и средни текстилни претперијатија со грчка сопственост масовно се затвораат во земјава. Засега нема точна бројка колку фирми згаснале. Причината е лошата економска состојба во Грција.
„Тие се компании кои егзистираат и во Грција и сега им се наметнува проблем околу продолжување на егзистенцијата на тие компании во Република Грција и мора да прекинат со производство, бидејќи добар дел од нивното производсто беше во форма на доработка во Република Македонија која пак се враќаше во Грција и отаму одеше кон земјите во ЕУ.“ – изјави Сотир Ампов – претседател на индустриска комора при ССК
Ампов вели дека заради затворање на овие текстилни претпријатија голем дел од работниците останаа без работа. Дел од нив работата ја продолжуваат во германските погони или во новоотворените фабрики од автомобилската индустрија. Од Комората велат дека политиката не влијае врз бизнис релациите на двете земји. Препорачуваат за да се зголеми трговската размена меѓу Македонија и Грција, да се воведе авио линија Скопје – Атина, интензивирање на деловните односи, заеднички настап на трети пазари како и заедничко реализирање на проекти од ЕУ фондовите. Трговската размена меѓу двете земји лани изнесувала околу 600 милиони евра, од кои 150 милиони се извоз на наши производи во Грција, и 450 милиони увоз. Најчесто извезувана стока во Грција се земјоделските производи.