На дедото на Тамара денес ќе му се суди за обидот за атентат врз Тодоров
Објавено во: Македонија 22 Јануари, 2018
Денес треба да започне ново судење за обидот за атентат врз поранешниот министер за здравство Никола Тодоров. Тој со пиштол беше нападнат од страна на дедото на малата Тамара која почина поради здравствени компликации откако не успеа навреме да се оперира во странство.
Пред Судот треба да бидат приложени нови психијатриски вештачења кои ќе покажат дали обвинетиот бил пресметлив кога го извршувал кривичното дело.
Љупчо Стојановски на 1. јуни минатата година се обиде да изврши атентат врз министерот за здравство, Никола Тодоров, откако почина неговата внука.