На Македонец во Мичиген му се суди за убиство на цимерот со нож
Објавено во: Македонија 23 Септември, 2017
Јовица Николоски(22) е обвинет за убиство на својот цимер Спасе Граждани во Вестленд, во Мичиген.
Како што пишуваат медиумите од Мичиген, убиството се случило на 9 септември, кога полицијата го пронашла телото на 25-годишниот Граждани со убоди од нож.
Според полицијата, по расправија меѓу нив, Николоски го избодел со нож Граждани рано изутрината, се истуширал и на неколку часа заминал од станот. Околу пладне се вратил и ја повикал полицијата.
Николоски за убиството од прв степен се соочува со доживотна казна затвор.
Тој се појавил на суд пред десет дена, а ќе се врати во судница во октомври затоа што неговиот адвокат побарал дополнително време за да ги собере документите и информациите што се однесуваат на случајот.