На новото работно место загрижени поради колегите, а не поради обврските
Објавено во: Стил 13 Септември, 2017
Односот со колегите и работните задачи на новото работно место се најголеми предизвици за работниците.
Ова го покажа анкета на Мој посао со 1300 испитаници.
28% од анкетираните се загрижени околу односот со новите колеги. Велат тешко е да се стекне довербата, а постарите ги гледаат помладите колеги како конкуренција.
За 25% од испитаниците проблем се работните задачи.
За 23% пак проблем е организацијата на новото работно место.
За 17% најважен е односот со претпоставените.
Од анкетираните 7% изјавиле дека најважни им се други предизвици како плата, работната атмосфера, работното време, можност за напредување и друго.