На Рама му е важна платформата, МНР порачува соседите да не се занимаваат со Македонија
Објавено во: Балкан 03 Февруари, 2017
Албанскиот премиер, Еди Рама вели дека за идната влада не му е важно дали ќе биде предводена од ВМРО-ДПМНЕ или СДСМ, затоа што тој не фаворизира никого и нема намера да меша по тоа прашање.
За косовки Клан, Рама објасни дека клучно е прифаќањето на платформата на Албанците. Рама вели дека платформата не е провокација туку има реални барања кои се логични и
произлегуваат од Охридскиот рамковен договор. Тој тврди дека без Албанците, Македонија
како држава не може да функционира.
Македонското Министерство за надворешни работи му одговори на Рама, дека соседите треба да се занимаваат со своите проблеми, а не со Македонија, бидејќи тука има избрани претставници од граѓаните и тие се единствените легитимни фактори во носењето одлуки.
„Политичарите од соседството кои упорно се обидуваат да го оттргнат вниманието од проблемите дома, со потпалување оган кај соседи одат спротивно на европските вредности. Секако дека им е најпривлечно да се занимаваат со соседни земји во услови кога тешко им оди со реалните потреби на граѓаните во сопствената земја. Сепак, за сите ќе биде најдобро да се посветат на реформите што им се толку многу потребни пред да мечтаат за лидерство и да креираат поделби во регионот“- стои во реакцијата од македонското Министерство за надворешни работи.
МНР и претходно реагираше на изјавите на Рама поврзани со Македонија.