Добивај вести на Viber
Местото Пебл Бич или Смарагдна плажа е познат ресорт за богатите во Калифорнија. Местото е богато со хотели, голф терени и прекрасни плажи. Одличен микс за секој кој сака да ужива и да троши пари.
Од 1950 на ова место се одржува таканаречениот натпревар на елеганција или Pebble Beach Concours d'Elegance, како што оригинално се нарекува. Овој фестивал на класични возила е најпрестижен во светот од овој тип. Добар дел од приходите одат на донации, гости се истакнати личности од мотоспортот и него го посетуваат 15.000 луѓе кои уживаат во класичните возила кои се присутни на овој настан.
Меѓу другото на овој настан се случува и аукција на класични возила и оваа година на овие купувања се потрошени рекордни 301 милион долари. Инаку аукциските куќи за овие продажби земаат повеќе од 10% провизија, па така овој настан и за нив бил добар со оглед на тоа што заработиле најмалку 30 милиони долари. Ова е рекордна бројка, па така и овој настан уште еднаш покажува дека за богатите нема криза.
На што се потрошија милионите?!
Мерцедес 540 К (не овој на сликата) 7,4 милиони долари
На вакво Бугати од 1937 година се потрошени 8,7 милиони долари, толку платил неговиот нов сопственик
За овој убавец, Ферари од 1957 година беа платени 9,5 милиони долари
За ваков Ферари Спајдер од 1967 година беа платени неверојатни 27,5 милиони долари
Инаку...
Овој Мерцедес од 1957 година го држи рекордот за најскапо продадено возило на аукција.
Редакција Фактор