Националниот парк Пелистер спасен од нов голем пожар
Објавено во: Македонија 19 Септември, 2017
Пожарот што вчера избувна на Баба Планина, под врвот Пелистер, е локализиран и под контрола, потврди раководителот на Битолската територијална противпожарна единица Костадин Поповски.
Поповски за МИА изјави дека професионални екипи и доброволци и денеска ќе ја следат ситуацијата на терен.
- Пожарот е во должинска линија од околу еден километар. Во текот на вчерашниот ден гореше само сува трева и опожарени се неколку хектари од тревата. Но, важно е да се истакне дека не е предизвикана никаква штета врз националниот парк „Пелистер“. На терен се професионални екипи од Битолската противпожарна единица, Дирекцијата за спасување во кризни ситуации, вработени од Националниот парк „Пелистер“ и доброволци, истакна Поповски.
Пожарот избувна кај месноста наречена „семафорите“, локација од која на една страна се оди кај месноста „антена“, а на другата страна кон Големо Езеро. За гаснење беа вклучени два канадера кои спречија поголемо ширење на пожарот кога во попладневните часови имаше силен ветер.
Можеби ќе ве интересира
Владата донесе одлука за унапредување на статусот на специјализантите
ФАКТОР НА ДЕНОТ: За една година се затворени 14 училишта
ОСМАНИ: Од семејни здравствени причини ќе ги прекинам денешните активности во кампањата
Данела Арсовска: Универзална сала изгоре по еден месец откако е под Министерството за култура
УБАВА, ИНСПИРАТИВНА, ВО ЦРНО - обвинителката Фатиме Фетаи во свој стил го прослави 39 роденден
Среќна сум што НЛБ Банка го препозна потенцијалот на нашиот проект во момент кога тоа ни е можеби најпотребно: Ксенија Николова за „Better Women Better World“
„СЕВЕРНОМАКЕДОНСКАТА ВЛАДА Е ТРГНАТА, ГРЕШКАТА Е ИСПРАВЕНА“ - се огласи МНР по пропустот на Европскиот парламент
