Над 17.000 тони тутун се откупени од тутунарите
Објавено во: Агробизнис 26 Јануари, 2017
Досега се откупени 17.600 тони тутун.
Просечната откупна цена е 193,84 денари по килограм, а според податоците од Државниот инспекторат за земјоделство исплатата е реализирана со 90% или досега се исплатени три милијарди и 56 милиони денари.
На половина од крајниот рок за откуп на тутунот деветте откупувачи, заклучно со 24 јануари земаа вкупно 17.600 тони тутун, односно речиси 90% од очекувањата за годинашната реколта.
Субвенциите за тутунот изнесуваат 60 денари за килограм, што значи дека во моментов производителите просечно добиваат по 253 денари за килограм тутун. Според првичните проценки, во реколтата од 2016 година се очекува да бидат откупени околу 20.000 тони тутун, а краен рок за откуп е 15-ти март 2017 година.
Можеби ќе ве интересира
ДОЖДОТ Е ПОВЕЌЕ ОД ДОБРЕДОЈДЕН: Сепак температурните шокови можат да направат проблеми на земјоделските насади
СТОЧАРИТЕ НУДАТ ПЛАТА ОД 1.000 ЕВРА: Албанија е последната станица за наоѓање овчари
