Над 2400 вработени во Фијат во Србија на генерален штрајк
Објавено во: Балкан 28 Јуни, 2017
Во фабриката Фијат Крајслер автомобили Србија е продолжен генералниот штрајк на работниците во производството кој почна вчера со барања да се зголеми заработката на 45 000 динари бруто, да се воведе подобра организација на работата и да се намали оптеретеноста на вработените, да се исплати бонус на ефикасности за 2016 година и да се платат трошоците за превоз на вработени кои се ангажирани надвор од стандардното работно време.
„Производните ленти се запрени. Во штрајк, на своите работни места учествуваат 90 отсто од работниците во прва и втора смена. Во пладне и 17 часот работниците се собираат кај управната зграда и се договараме за понатамошни чекори во врска со продолжување на штрајкот“, рекол за Бета претседателот на Независниот синдикат во FCA Србија во Крагуевац Зоран Марковиќ.
Тој наведува дека инспекцијата на работата вчера пратила решение во кое му наложува на синдикатот на FCA како работодавец да продолжи со непосредни преговори и да се обидат да го решат настанатиот спор.
Синдикатот вчера најави дека штрајкот ќе трае до исполнување на барањата или постигнување на договор со работодавецот.
Во FCA во Крагуевац се вработени, според официјални податоци 2 460 работници, а планот за производство за оваа година е 85 000 возила, што е на минатогодишното ниво.