Нафта од потонат брод го загади Охридското езеро
Објавено во: Македонија 19 Ноември, 2017
Количество на нафта се излеа од бродот „Мис Стон“ кој потона во Студенчишкиот канал на Охридското Езеро.
Надлежните најавија дека бродот утре ќе биде изваден од водите на езерото а согласно законската регулатива инспекторатот ќе ги превземе сите законски мерки, како и веќе е отворен предмет во инспекциска постапка.
Бродот „Мис Стон“ кој децении наназад е закотвен во каналот кај Студенчишта, делумно е под вода така што дел од нафтата од резервоарот на пловилото се излеа во водата, предизвикувајќи загадување на тој исклучително важен, од биолошки аспект, дел на еко-системот на Охридското Езеро.
Институции ќе утврдуваат мерки за заштита на каналот, меѓу кои и дислоцирање на старите и дотраени пловни објекти што, како во овој случај, претставуваат закана по еко-системот на Охридското Езеро.