Нафтата импресионира-се ближи до урамнотежување
Објавено во: Економија 13 Април, 2017
Глобалниот пазар на нафта е близу до урамнотежување, после речиси три години прекумерна понуда.
До тоа довело намалувањето на производството во водечките извозници кои го неутрализирале долготрајниот пад на побарувачката во најбогатите земји, соопшти Меѓународната агенција за енергетика.
„Спроведувањето на планот за намалување на производството помеѓу членките и нечленките на ОПЕК е импресивно“, се наведува во месечниот извештај на агенцијата за енергетика.
Меѓутоа, цената на нафта од преку 50 долари за барел повторно ги привлекла на пазарот произведувачите во САД чие производство е скапо, што според предвидувањата на МАЕ ќе го турне производството на нечленките на ОПЕК на изненадувачко високо ниво оваа година.
Растот на пазарот за нафта во 2017 година како што наведува МЕА ќе изнесува 1,3 милиони барели дневно, што е помалку во однос на претходните прогнози на МАЕ од 1,4 милиони барели дневно.