Нафтата повторно ќе го „потопи“ светот
Објавено во: Економија 14 Јуни, 2017
Нафтата поевтини за околу 1% во средата, откако беа објавени податоци за зголемување на резервите во САД.
Американската лесна сурова нафта WTI поевтини за 0,95% до 46,02 долари за барел, а европскиот репер Брент забележа пад од 0,68% до 48,39 долари за барел .
Од крајот на мај цената на нафтата се намали со над 10% поради притисокот на презаситеноста што сеуште е присутна и покрај напорите на ОПЕК за намалување на родот. Картелот се договори да го продолжи договорот со уште 9 месеци до крајот на март 2018 година.
Почитувањето на договорот сепак стана предмет на сомнежи, особено откако претходно оваа недела организацијата објави дека нејзиното ископување се зголемило за 336 илјади барели дневно во мај до 32,14 милиони барели дневно.