Нафтогас сака да го „исцеди“ Гаспром или ќе банкротира
Објавено во: Економија 09 Август, 2017
Украинската државна нафтена компанија Нафтогас планира да побара уште 5 милијарди долари кои ќе ги додаде на првичните 13 милијарди во тужбата против руската компанија Гаспром од која очекува оштета поради прекинувањето на доставата на гас која се случи во 2012 по политичките превирања во земјата и расположението против Москва.
Јури Витренко директорот на Нафтогас смета дека неговата компанија е во право поради потпишаните договори како и обврските за транзит на гасот до европските земји. Нафтогас исто така бара од руската страна да бидат намалени цените, да ја тргнат забраната за репродавање на гасот и да ги надоместат екстра трошоците.
Од друга страна пак, Гаспром побара дури 47,1 милијарда долари поради однесувањето на украинските власти и Нафтогас кои не го почитувале договорот во кој јасно било наведено правилото „плати или одбиј“ и притоа не ја исполниле количината на гас која требало да ја преземат. Конечна одлука треба да донесе судот за арбитража во Стокхолм, а ако победи руската страна можен е банкрот на Нафтогас.