Најдоцна до утре УБК ќе ги даде доказите на СЈО
Објавено во: Македонија 20 Октомври, 2016
Вечерва или најдоцна до утре, Управата за безбедност и контарзузнавање ќе му ги даде на СЈО доказите и информациите кои ги бараат, објави Телма.
Тимот на Катица Јанева, од вчера од 11 часот e во просториите на УБК, таму ја помина во смени и минатата ноќ, но и покрај двете судски наредби, наидуваше цело време на опструкции за да прибави информации кои ќе бидат потребни за да се истражи кој и како прислушувал. Дали тоа го направило УБК или странски служби. Всушност, СЈО бара да направи увид во документацијата поврзана со прислушуваните разговори од 2008 до 2015 година. СЈО од осми март барало податоци, но ништо од Управата не било доставено.
„Од УБК презедоа обврска дека во текот на денот лицата кои имаат овластување да оперираат со системот во УБК ќе се вратат во Македонија, Очекувам овие ветувања да бидат исполнети“ - изјави денеска на прес-конфереција обвинителката Ленче Ристоска.
Заменискиот министер во МВР, Оливер Андонов, исто така на попладневната прес-конференција рече дека вечерва, најдоцна утре, ќе се спроведе судската наредба.
СЈО сè уште не успеалo да обезбеди било што од УБК.