Најголем скок во еврозоната и покрај стравот
Објавено во: Економија 24 Октомври, 2016
Бизнис активноста во еврозоната во октомври пораснала со најбрзо темпо во досегашниот тек на оваа година, и покрај неизвесноста од Брегзит.
Индексот на менаџери за набавка (PMI) за еврозоната, како најшироко мерило на економската акттивност, пораснал на 53,7 поени во октомври од 52,6 поени од септември, соопшти лондонската истражувачка компанија Маркит.
Секој податок над 50 поени укажува на зајакнување на секторската активност а под 50 поени на нејзино слабеење.
На јакнењето на индексот најмногу допринел силниот замаец на бизнис активноста во Германија, додека во Франција дошло до побавно движење.
Најновите податоци говорат деа еврозоната уште се држи добро, и покрај неизвесноста поврзана со излезот на Велика Британија од ЕУ и бавниот раст на глобална трговија.
Главниот економист на Маркит Крис Вилијамсон изјавил дека ваквите резултати укажуваат на квартална стапка на раст на економијата на еврозоната од 0,4 отсто во тековното тримесечие, што би претставувало забрзување во однос на растот од 0,3 отсто од второто тромесечие.