Наместо во Берлин, бизнисот го развила во Белград

Добивај вести на Viber

Родена во Германија се навикнала на ред и дисциплина. 

По 25 години живот во оваа земја, Сабина Гавриловиќ во 90-тите години за време на санкциите се вратила во Белград и почнала бизнис. 

Сосема нелогично и невообичаено, но таа успеала. 

„Денес кога ќе си го вратам филмот назад, сосема случајно се насочив во светот на убавината. Знаев дека сакам да работам и да создавам, знаев дека ќе работам како треба или никако. Имав потреба своето слободно време, семејното искуство да го искористам на вистински начин. Се занимавав со економија, но се насочив на друго поле, на убавина. Беше потребно повторно да одам во школо, да се образувам за козметичар, естетичар, и да ги поминат сите едукации кои се предуслов за успешна работа“ - вели таа. 

Раскажува дека во тоа време имало рестрикции на струја, рафтовите во продавниците биле празни, автобусите биле стари, а контејнерите полни со смет. 

Во 2001 година Гавриловиќ отворила салон за убавина со почетен капитал од 12.500 марки. 

Раскажува дека германскиот перфекционизам го споила со српскиот дух. 

На почеток имала проблеми затоа што институциите биле неорганизирани и регистрацијата на фирмата траела со месеци. 

Труд, љубезност и квалитет се принципи по кои се раководи во работењето. 

Гавриловиќ смета дека секој кој сака има шанса да заработи, но треба да биде истраен.

Денес таа има 10 вработени девојки и простор со површина од 240 квадрати.