НАТО сакал да ја подели Русија?
Објавено во: Свет 27 Јуни, 2017
Тајни документи до кои наводно дошла руската разузнавачка служба, по распадот на Советскиот Сојуз, покажуваат дека НАТО планирале да ја поделат Русија на помали територијални целини.
Ова го изјави Павел Андријевич, поранешен руски таен агент.
Тој во интервју за телевизијата Русија-1 вели дека НАТО планирале по распадот на СССР да ја поделат Русија и да ја сведат на големина на средновековното московско кнежество.
„НАТО планирал да се формира република северна Волга и потоа република централна Волга, и да се намали големината на Русија на плоштина колку и средновековното московско кнежество. Ние ги имаме тие документи и сега се во архивата на руската разузнавачка служба“ - вели поранешниот руски агент.
Додава дека постојат документи од НАТО од кои може да се види дека поделбата на СССР била само прва фаза.