29 Март, 2024
0.0263

Научете ги овие нешта и вашиот бизнис план ќе го направите достоен за инвестирање

Објавено во: Финансии 14 Мај, 2017

Добивај вести на Viber

Било кој од овие скрупули во крајна линија може да го тргнат на страна вашиот стартап како недостоен за инвестирање.

Текстот е оригинално напишан од Мартин Звилинг, стартап ментор, блогер, автор, технолошки професионалец, инвеститор и основач и извршен директор на Startup Professionals, Inc.

Претприемачите кои бараат да привлечат инвеститори треба да развијат и продадат план - по можност писмено - кој дава одговор на сите прашања на секој потенцијален инвеститор за вашиот стартап пред тие да бидат поставени. Можеби сте брз со одговорите стоејќи на нозе, но ако инвеститорите треба да постават било кое од овие прашања, го кревате спектарот на криење нешто или дека не сте доволно остроумен за да знаете што е важно.

Било кој од овие скрупули во крајна линија може да го тргнат на страна вашиот стартап како недостоен за инвестирање, затоа вреди да си ја завршите вашата домашна задача за она што ќе го кажете и како ефективно да комуницирате. Пожелно е да спремите материјал со околу 10 слајдови поткрепени со напишан бизнис план од околу 20-на страници, при што и двете работи содржат квантифицирани одговори на следните клучни прашања.

1. Кој е бизнис проблемот кој го решавате?

Ова може да изгледа очигледно, но се уште има премногу "решенија во потрага по некој проблем." Само затоа што вашата технологија е возбудлива и потенцијално десруптивна не значи дека сте подготвени да изградите бизнис. Инвеститорите сакаат да слушнат за клиенти со пари кои имаат болен проблем кој вие можете да го решите сега.

2. Кое е вашето конкретно решение и вредносен предлог?

Инвеститорите се во потрага по концизен опис на вашиот производ или услуга без технички жаргон или нејасни маркетинг термини со вредност измерена во однос на клиентите. Ова е исто така местото за првпат да се споменат патенти и било кои други диференцијатори кои ве ставаат пред конкуренцијата.

3. Колку е голем и растечки вкупниот пазар и таргетираниот сегмент?

Инвеститорите ќе бидат во потрага по големина, потврдена од страна на аналитичари од конкретната индустрија, доволно голема за добар инвестициски поврат. Тие сакаат пазари од милијарди долари со двоцифрена стапка на раст. Тие очекуваат да видат фокус, како и доказ дека вашите податоци се базирани на пазарно искуство и експертиза.

4. Како вашиот бизнис модел прави пари?

Добри каузи како што е храна за гладните во светот можат да му помогнат на вашиот маркетинг, но не можат да одржат бизнис. Бизнис моделот треба јасно да дефинира кој е вашиот клиент, очекувана пенетрација на пазарот, колку клиентите плаќаат наспроти вкупните трошоци и инвестицијата потребна за да се одржи паричниот тек.

5. Кои се вашите конкуренти и како ќе победите?

Секое ново понудување има конкуренција и алтернативи, затоа не е кредибилитетно да тврдите дека нема конкуренти. Именувајте ги првите три од нив и презентирајте ја вашата одржлива предност, како и бариерите за влез на нови стартапи. Не ги деградирајте конкурентите, но искористете ги нивните специфики за да ги потенцирате вашите предности.

6. Кои се вашите специфични маркетинг и продажни планови?

Овде веќе се очекува да покажете временска рамка за ширење, со конкретни одредници и партнерства. Треба да идентификувате детали за цените, продажните канали, стратешки партнери и прилагоден маркетинг план во конзистентност со вашата индустрија и таргетиран сегмент. Потенцирајте елементи на тракција кои веќе ги имате.

7. Како е вашиот тим уникатно квалификуван за овој потфат?

Тим вреден за високи инвестиции има претходно искуство во истиот бизнис домен, како и криденцијали и вештини во нивните улоги. Инвеститорите инвестираат повеќе во луѓето одколку во идејата. Како тим, тие ги покриваат сите потребни клучни вештини. Вклучете квалификации за член на советодавниот одбор и клучни индустриски контакти.

8. Колку е големо барањето за финансирање и колку капитал ќе дадете?

Бидејќи инвеститорите купуваат дел од вашата компанија (не вашиот производ), ова е најважното прашање и е такво кое е често неодговорено. Оправдајте ги барањата за финансирање, користење на средствата и наведете моментална проценка на вреднувањето. Измерете ги основачките инвестиции, како готовинските така и трудовите (sweat-equity).

9. Кои се вашите предвидувања за приходите, расходите и готовинскиот тек?

Предвидувањата се оценети како ниво на посветеност и мерка за вашиот бизнис такт. Бројките треба да бидат агресивни, но не ирационални, базирани на големината на пазарот и условите.

10. Колку и кога предвидувате дека инвеститорите ќе добијат исплата?

Технички, ова е вашата стратегија за излез, обично спојувања и превземања или иницијална јавна понуда на акции. Ако не планирате ликвиден натан, нема да најдете голем број на заинтересирани инвеститори. Најдете споредлива компанија за да покажете потенцијална продажна вредност и враќање на инвестицијата.

Најдобрите одговори не се оние најдолгите или оние со најмногу графикони. Сериозните инвеститори кои слушнале 1.000 понуди и прочитале стотици планови се најмногу импресионирани од основачите кои ги даваат вистинските поенти во најкраток временски период со најмалку поттурнување. Единственото прашање што сакате да го слушнете е - "Колку брзо може да се вклучам?" А тоа и не е така тешко.

Можеби ќе ве интересира

Народната банка и гувернерката Ангеловска-Бежоска избрани од ЕБОР за водачи на проектот за женско претприемаштво во нашата земја

Народната банка и гувернерката Ангеловска-Бежоска избрани од ЕБОР за водачи на проектот за женско претприемаштво во нашата земја

Потрошувачки кредит на вашата сметка, додека уживате во топло кафе

Потрошувачки кредит на вашата сметка, додека уживате во топло кафе

БЕРЗИТЕ ИМАЛЕ ПОДОБРИ ДЕНОВИ: Намалување на индексите на Волстрит, S&P 500 во загуба трет ден по ред

БЕРЗИТЕ ИМАЛЕ ПОДОБРИ ДЕНОВИ: Намалување на индексите на Волстрит, S&P 500 во загуба трет ден по ред

ЗАМИНУВАЊЕТО НА ШЕФОВИТЕ ПОЗИТИВЕН СИГНАЛ ЗА ИНВЕСТИТОРИТЕ - Акциите на Боинг растат по промената на раководството на компанијата

ЗАМИНУВАЊЕТО НА ШЕФОВИТЕ ПОЗИТИВЕН СИГНАЛ ЗА ИНВЕСТИТОРИТЕ - Акциите на Боинг растат по промената на раководството на компанијата

СЕ ОГЛАСИ КОМЕРЦИЈАЛНА ПО ПРОДАЖБАТА НА ИМОТОТ НА ЕУРОНИКЕЛ - остануваме посветени да се наплатат доверителите и вработените, должниците веднаш да си ги платат обврските

СЕ ОГЛАСИ КОМЕРЦИЈАЛНА ПО ПРОДАЖБАТА НА ИМОТОТ НА ЕУРОНИКЕЛ - остануваме посветени да се наплатат доверителите и вработените, должниците веднаш да си ги платат обврските

Доларот зајакна по најавата за намалување на каматните стапки

Доларот зајакна по најавата за намалување на каматните стапки

ПОМАЛИ ТРОШОЦИ ЗА ПРЕКУГРАНИЧНИ ТРАНСАКЦИИ СО ПРИСТАП КОН СЕПА - со законски измени до побрз пристап

ПОМАЛИ ТРОШОЦИ ЗА ПРЕКУГРАНИЧНИ ТРАНСАКЦИИ СО ПРИСТАП КОН СЕПА - со законски измени до побрз пристап

КИНЕСКОТО ЧУДОВИШТЕ ЗА ОНЛАЈН ШОПИНГ СТАНУВА СЕ ПОГОЛЕМО:„Амазон е на стероиди!“

КИНЕСКОТО ЧУДОВИШТЕ ЗА ОНЛАЈН ШОПИНГ СТАНУВА СЕ ПОГОЛЕМО:„Амазон е на стероиди!“

КОЈ ПЛАТИ 753 ИЛЈАДИ ЕВРА ЗА АКЦИИ НА СТОПАНСКА БИТОЛА ВО ЕДЕН ДЕН - има ли ова поврзаност со најавеното припојување кон Комерцијална банка

КОЈ ПЛАТИ 753 ИЛЈАДИ ЕВРА ЗА АКЦИИ НА СТОПАНСКА БИТОЛА ВО ЕДЕН ДЕН - има ли ова поврзаност со најавеното припојување кон Комерцијална банка