Наумов: Миноски ги задолжи граѓаните со нови 18 милиони евра
Објавено во: Економија 08 Ноември, 2016
Дополнителниот заменик министер за финансии, Кире Наумов реагира по повод новото задолжување кај домашните кредитори кое се случи денеска.
Тој предупредува дека јавниот долг на државата продолжува да се зголемува.
„На денешното задолжување на домашниот пазар на капитал министерот за финансии, Кирил Миноски, иако побаруваше 12.1 милион евра тој ги задолжи граѓаните со нови 18 милиони евра. Јавниот долг заради ова темпо на задолжување ги надмина критичните 50% од БДП, граница која Меѓународниот Монетарен Фонд препорача да не се надминува. Министерот за финансии јавно се обврза дека после секое ново задолжување ќе ја објавува состојбата на државните депозити. До сега ниту еднаш го нема сторено тоа“ - вели Наумов.
Додава дека за сите злоупотреби направени со пари на граѓаните ќе има одговорност.
Оваа недела нема најавено раздолжување.