29 Март, 2024
0.0249

НБМ: Банките ни се стабилни и сигурни, само се забавува кредитирањето!

Објавено во: Финансии 20 Декември, 2012

Добивај вести на Viber

На седница Советот на Народната банка го разгледа Извештајот за банкарскиот систем на Република Македонија во третиот квартал од 2012 година. Заклучено беше дека банкарскиот систем, како што се вели во соопштението, во услови на надворешно опкружување исполнето со големи предизвици, успеа да ја задржи својата ликвидност и солвентност, а со тоа и својата стабилност и сигурност.

Ликвидните средства, што покриваат близу 60% од вкупните депозити на домаќинствата и 42% од вкупните депозити, и натаму претставуваат една третина од вкупната актива на банкарскиот сектор. Специфична промена во ликвидната актива на банкарскиот систем во третиот квартал е растот на средствата на банките на сметки во странски банки и намалувањето на нивните вложувања во хартии од вредност.

Високата солвентност е вториот столб на банкарскиот систем. На 30 септември 2012 година, стапката на адекватноста на капиталот изнесува 17,1% и е двојно повисока од законскиот минимум од 8%. На почетокот на третиот квартал започна да се применува новата методологија за адекватност на капиталот, што овозможи подобро поврзување на профилот на ризик на банките со регулаторниот капитал, но таа не предизвика позначителни ефекти врз стапката на адекватност на капиталот.

Кредитната активност продолжи да расте, како на квартална, така и на годишна основа, но сепак со забавена динамика. Ова забавување на вкупните кредити е еден од факторите што предизвикаа стапката на нефункционални кредити, на 30 септември 2012 година, да се искачи до 10,9%. Сепак, профитабилноста на банкарскиот систем и натаму зајакнува, што произлегува од зголемувањето на нето каматниот приход. Стапките на поврат на активата и капиталот се зголемија и на 30 септември 2012 година изнесуваа 0,3% и 2,3%, соодветно, а воедно се подобри и оперативната ефикасност на банките.

На денешната седница, Советот на Народната банка ја донесе и Одлуката за изменување и дополнување на Одлуката за управување со ризиците, којашто на супервизијата на Народната банка ќе ѝ овозможи подобар увид во поединечните категории ризици на коишто се изложени банките. Имено, и досега банките беа должни да утврдуваат одредено ниво интерен капитал за покривање поединечен ризик на кој е или може да биде изложена банката во своето работење, а оваа одлука појасно го дефинира процесот на тоа утврдување. При ова, банките воспоставуваат процедури за сеопфатно оценување на адекватноста на капиталот, поврзан со нивниот профил на ризик, но и со нивната стратегија за одржување на нивото на капиталот. Интерниот капитал претставува дополнување на регулаторниот капитал и неговото утврдување главно се заснова врз интерните методи и процедури на банките. Процесот на утврдување на интерниот капитал е и квалитативен, а Народната банка ја оценува неговата соодветност по поединечни банки, имајќи ги предвид јасно дефинираните насоки во Одлуката.

Советот ја донесе и Методологијата за евидентирање и вреднување на сметководствените ставки и за подготовка на финансиските извештаи, за да се постигне усогласување со измените во Меѓународните стандарди за финансиско известување усогласени од Одборот за меѓународни сметководствени стандарди и чијашто ефективна примена за деловните банки започнува од 1 јануари 2013 година.

На седницата беше усвоена и Програмата за работа на Народната банка на Република Македонија за 2013 година, којашто претставува детаљна разработка на планираните активности за наредната година, заради поефикасно следење на статусот на остварувањето на Насоките за работа на Народната банка на Република Македонија за 2013 година и утврдените стратегиски цели. Во рамки на актите коишто се однесуваат на работењето на Народната банка на Република Македонија за наредната година, Советот ги разгледа и ги усвои Програмата за работа на Дирекцијата за внатрешна ревизија за 2013 година и Среднорочната програма за внатрешна ревизија 2013-2015 година, како и Финансискиот план и Планот за инвестиции за 2013 година, стои на крајот на соопштението по седницата на Советот на НБМ.

Можеби ќе ве интересира

Народната банка и гувернерката Ангеловска-Бежоска избрани од ЕБОР за водачи на проектот за женско претприемаштво во нашата земја

Народната банка и гувернерката Ангеловска-Бежоска избрани од ЕБОР за водачи на проектот за женско претприемаштво во нашата земја

Потрошувачки кредит на вашата сметка, додека уживате во топло кафе

Потрошувачки кредит на вашата сметка, додека уживате во топло кафе

БЕРЗИТЕ ИМАЛЕ ПОДОБРИ ДЕНОВИ: Намалување на индексите на Волстрит, S&P 500 во загуба трет ден по ред

БЕРЗИТЕ ИМАЛЕ ПОДОБРИ ДЕНОВИ: Намалување на индексите на Волстрит, S&P 500 во загуба трет ден по ред

ЗАМИНУВАЊЕТО НА ШЕФОВИТЕ ПОЗИТИВЕН СИГНАЛ ЗА ИНВЕСТИТОРИТЕ - Акциите на Боинг растат по промената на раководството на компанијата

ЗАМИНУВАЊЕТО НА ШЕФОВИТЕ ПОЗИТИВЕН СИГНАЛ ЗА ИНВЕСТИТОРИТЕ - Акциите на Боинг растат по промената на раководството на компанијата

СЕ ОГЛАСИ КОМЕРЦИЈАЛНА ПО ПРОДАЖБАТА НА ИМОТОТ НА ЕУРОНИКЕЛ - остануваме посветени да се наплатат доверителите и вработените, должниците веднаш да си ги платат обврските

СЕ ОГЛАСИ КОМЕРЦИЈАЛНА ПО ПРОДАЖБАТА НА ИМОТОТ НА ЕУРОНИКЕЛ - остануваме посветени да се наплатат доверителите и вработените, должниците веднаш да си ги платат обврските

Доларот зајакна по најавата за намалување на каматните стапки

Доларот зајакна по најавата за намалување на каматните стапки

ПОМАЛИ ТРОШОЦИ ЗА ПРЕКУГРАНИЧНИ ТРАНСАКЦИИ СО ПРИСТАП КОН СЕПА - со законски измени до побрз пристап

ПОМАЛИ ТРОШОЦИ ЗА ПРЕКУГРАНИЧНИ ТРАНСАКЦИИ СО ПРИСТАП КОН СЕПА - со законски измени до побрз пристап

КИНЕСКОТО ЧУДОВИШТЕ ЗА ОНЛАЈН ШОПИНГ СТАНУВА СЕ ПОГОЛЕМО:„Амазон е на стероиди!“

КИНЕСКОТО ЧУДОВИШТЕ ЗА ОНЛАЈН ШОПИНГ СТАНУВА СЕ ПОГОЛЕМО:„Амазон е на стероиди!“

КОЈ ПЛАТИ 753 ИЛЈАДИ ЕВРА ЗА АКЦИИ НА СТОПАНСКА БИТОЛА ВО ЕДЕН ДЕН - има ли ова поврзаност со најавеното припојување кон Комерцијална банка

КОЈ ПЛАТИ 753 ИЛЈАДИ ЕВРА ЗА АКЦИИ НА СТОПАНСКА БИТОЛА ВО ЕДЕН ДЕН - има ли ова поврзаност со најавеното припојување кон Комерцијална банка