Три девојки во центарот на Скопје
Нè потсетија да внимаваме и да користиме сигурносен појас
Објавено во: Мои пари 05 Мај, 2017
Три девојки во центарот на градот кои наликуваа на стјуардеси во униформи, вчера нè потсетија дека кога сме во автомобил треба секогаш да го користиме сигурносниот појас.
Девојките на раскрсницата кај Порта Македонија, додека автомобилите чекаа на црвено светло, со транспаренти, информативни летоци и демонстрации, укажуваа на потребата од користење сигурносен појас и поголемо внимание на учесниците во сообраќајот.
Настанот е дел од активностите на кампањата „Јас внимавам“ за поголема безбедност во сообраќајот, иницирана и создадена од компанијата ОКТА во соработка со МВР, а кампањата e поддржана и од голем број јавни личности.