Недостапни за надлежните: Ниту Грујовски, ниту Бошковски неофицијално не се најдени вечерва дома
Објавено во: Македонија 27 Јули, 2017
МВР официјално не потврдува, но дел од медиумите пренесуваат дека полицијата вечерва во своите домови не успеала да ги пронајде ниту Горан Грујовски, ниту Никола Бошковски, кои треба да бидат спроведени во притвор во истражниот затвор Шутка согласно денешната одлука на Врховниот суд да ја обие жалбата на Грујовски.
Се претпоставува дека поранешниот началник на Петтата управа на МВР Грујовски и вработениот во УБК Бошковски се во државата, бидејќи патните исправи им се одземени. Според сознанијата на САКАМДАКАЖАМ.МК, нема информација дека откако им беше изречена мерка притвор од Апелација на 18 јули, па наваму, немало обид со лична карта да ја напуштат државата.
Од Министерството за внатрешни работи за дел од медиумите потврдија дека решенијата за притвор сасале вечерва во 21,30 часот и дека по истите ќе се постапува веднаш .
Грујовски и Бошковски се обвинети во предметите „Тврдина“ и „Таргет“ на СЈО за нелегално прислушување илјадници граѓани преку злоупотреба на системите за следење во МВР и за физичко уништување на системите со кои се прислушувало за да нема докази за масовното кршење на човековите слободи и права.