Нема санкции за прилепскиот директор кој агитираше меѓу средношколците
Објавено во: Македонија 24 Март, 2017
Државниот просветен инспекторат нема да го казни директорот на прилепската гимназија, Кире Николовски, кој во видео снимено од ученици ги повикуваше средношколците да излезат на протести против Платформата на Албанците.
„Врз основа на контролата спроведена од Инспекторатот во С.У „Мирче Ацев“ во Прилеп не се исполнети условите од членот 109 став 1, алинеја 1 и став 2 од Законот за средно образование за постоење на прекршок и изрекување санкција“ - соопштија од Државниот просветен инспекторат, објави Алсат-М.
Тој им објаснуваше на учениците зошто е штетна платформата и зошто учениците треба да протестираат.
Против директорот кривична пријава поднесоа еден родител и СДСМ.