НЕОБИЧНИ И ЧУДНИ: Ова се најтешките прашања поставувани на интервјуа за работа
Објавено во: Финансии 06 Март, 2017
Сајтот Glassdoor, во кој анонимни вработени прават проценки и откриваат факти за различни работни места, ги избра најтешките прашања поставувани на интервјуа за работа во периодот 16 јануари 2016 и 15 јануари 2017 година.
„На интервјуата треба да сте подготвени на се, дури за неудобни или чудни барања“, вели Дејвид Уитби, менаџер на Glassdoor. „Запомнете дека не е толку важно дали ќе одговорите правило, а како ќе се однесувате кога сте ставени под притисок“.
Еве и кои се прашањата кои корисниците ги избрале како најголем предизвик.
1. „Измислете формула по која ќе се пресмета колку гола ќе бидат дадени оваа сезона во Лигата на Шампионите.“
2. „Која е вашата стратегија за справување со лошите денови?“
3. „Вие добар човек ли сте?“
4. „Што значи за вас социјална правда?“
5. „Да претпоставиме дека сега тука влезе шефот на компанијата. Што ќе го прашате?“
6. „За што најмногу жалите во досегашната комуникација со луѓето?“
7. „Кој е Вашиот херој и зошто?“
8. „Пред Вас има три луѓе, кои земаат различни плати. Тие сакаат да воспостават колку е просекот на платите , но никој не сака да им каже на другите двајца точно колкава сума земаат. Како може да го сторите тоа?“
9. „Како ќе ги објасните облачните технологии на 7-годишно дете?“
10. „Опишете ни ја вашата најголема слабост.“
11. „Како се справувате со досадната рутина?“
12. „Ако вашиот најдобар пријател беше тука сега, каков совет ќе ви дадеше?“
13. „Се наоѓате на Месечината. Вселенскиот брод се урна. Зачувани се само 15 предмети од него, кои сепак се исклучително важни за вашиот опстанок. Наведете какви треба да се овие предмети и наредете ги по степен на важност.“
14. „Која е најалтруистичната работа што сте ја правеле?“
15.„Треба да назначите еден од двајца кандидати на работа. Едниот ви е пријател, другиот ги има истите способности како него. Пријателот сепак ви носи помалку профит. На кого ќе му ја дадете работата?“
16. „Како би ве опишале непријателите?“
17. „Што мислите токму во овој момент?“
18. „Кој факт во CV-то ви е најблиску до лага?“