НЕВРАБОТЕНИ СЕ 218 601 ГРАЃАНИН: Еве колку од нив се со завршен факултет
Објавено во: Економија 10 Јуни, 2017
Во првото тримесечје од 2017 година активното население во Република Македонија брои 952 644 лица од кои вработени се 734 043, а 218 601 лица се невработени.
Ова е според податоците на Државниот завод за статистика.
Од 218 601 невработени во Македонија, 6 319 се без завршено основно образование, 48 921 со основно, 13 786 се со 3 години средно, 102 094 со 4 години средно, 2612 се со вишо, а 43 612 со високо образование.
Стапката на активност во овој период е 56.7, стапката на вработеност е 43.7, додека стапката на невработеност е 22.9.
Во земјава работоспособни се 1 679 462 луѓе.За споредба, во последниот квартал лани 1 679 290 граѓани биле работоспособни, а во првиот квартал лани таа бројка била 1 678 411 луѓе.
Меѓу работоспособните луѓе во првото тромесечје од 2017 година најбројна е возрасната група од 25 до 49 години и во неа спаѓаат 777 271 луѓе.