Ниту настава, ниту прегледи: Штраjк во хрватското здравство и образование

Добивај вести на Viber

Хрватските синдикатите на учители, наставници, универзитетски професори, научници и медицински сестри утрово стапија на еднодневен штрајк поради откажување на колективниот договор и намалувањето на платите. Според првите сознанија се штрајкува во речиси сите основни и средни училишта и во научните и здравствените установи. Нема настава во сите училишта во Хрватска, а синдикатите активисти им препорачаа на родителите да не го послушаат министерот за наука, образование и спорт, Жељко Јовановиќ кој синоќа ги повика да ги испратат своите деца во училиште.Од Министерството соопштија дека Владата нема да го плати времето поминато во штрајкови и предупреди дека директорите се должни да обезбедат одржување на наставата и да водат евиденција за тоа кој работи, а кој е на штрајк. За време на штрајкот на медицинските сестри и техничарите ќе се обезбеди извршување на минимални неопходни работи и итни интервенции, а ќе работи само Итната служба. И овде, Министерството за здравство побара за време на штрајкот да се обезбеди непречено вршење на работите.

Освен заради откажувањето на Основниот колективен договор за јавни служби, причината за штрајк се најавите за укинување на додатокот на плати, намалување на средства за образование и наука во државниот буџет, намалување плати на учителите и наставниците низ укинување додато од 3,5,7 и 9 отсто како забрана на вработување медицински сестри о здравствените установи.