НЛБ сака целосно да го продаде НЛБ Нов пензиски фонд АД Скопје
Објавено во: Економија 17 Март, 2017
Нова Љубљанска Банка д.д. Љубљана („НЛБ”) објави дека започнува со барање на инвеститори за откуп на 100% од акционерскиот капитал на НЛБ Нов пензиски фонд АД Скопје („НЛБ НПФ“), друштво за управување со пензиски фондови со седиште во Македонија, што управува со два пензиски фонда во Република Македонија (пензиски фонд од задолжителниот втор столб и пензиски фонд од доброволниот трет столб), управувајќи со средства од околу 370 милиони евра.
НЛБ поседува 51% од акционерскиот капитал на НЛБ НПФ, а останатите 49% се во сопственост на НЛБ Банка АД Скопје, Република Македонија, фирма ќерка на НЛБ, која што го продава својот удел во акционеркиот капитал на НЛБ НПФ заедно со НЛБ.
Одделот за корпоративни финансии на НЛБ го координира и го организира процесот на продажба во име на НЛБ и НЛБ Банка АД Скопје.
Заинтересираните инвеститори за дополнителни информации за учество во процесот на продажба можат да се обратат до Карел Кач (тел. +386 1 476 5228; е-маил novi@nlb.si) или Бране Грегорец (тел. +386 1 476 5104; е-маил: novi@nlb.si) во Одделот за корпоративни финансии на НЛБ. НЛБ (преку Одделот за корпоративни финансии на НЛБ или на друг начин) и НЛБ Банка АД Скопје го задржуваат правото, секој од нив по своја процена, од кој било заинтересиран инвеститор да побараат понатамошни информации за инвеститорот и/или предвиденото финансирање на предложената инвестиција пред вклучување на инвеститорот во процесот на продажба.
Оваа објава е изработена исклучиво со цел да се известат потенцијалните инвеститори за можноста да го искажат својот интерес за процесот на продажба и на никој начин не ги обврзува ниту НЛБ, ниту пак НЛБ Банка АД Скопје да склучат некој вид на договор за продажба или друга трансакција со потенцијалниот инвеститор.
Оваа објава не претставува, односно не е дел од понуда или повик за продажба или издавање, или пак убедување за купување или впишување на било кои хартии од вредност на НЛБ НПФ или хартии од вредност во било кој друг субјект, а освен тоа оваа објава или било кој дел од неа не смее да биде основа за каква било инвестициска одлука или договор, а во таа насока исто така било каква инвестициска одлука или договор во врска со истата не смее да се потпира на објавата, стои во објавата на НЛБ.
Понатамошни информации за НЛБ НПФ и НЛБ може да се најдат на интернет страницата на НПФ: http://www.nlbnpf.mk и на интернет страницата на НЛБ Групацијата: http://www.nlbgroup.si.
Можеби ќе ве интересира
СТРИМИНГ ГИГАНТОТ ГИ ИЗНЕНАДИ АНАЛИТИЧАРИТЕ: наспроти забраната за делење лозинка - голем раст на профитот и претплатниците
Марко Бислимовски останува вонреден претседавач на Бордот на регулатори на Енергетската Заедница
ЕСКАЛАЦИЈАТА И ТЕНЗИИТЕ НА БЛИСКИОТ ИСТОК ЈА КАЧИЈА ЦЕНАТА НА НАФТАТА: Еве како да тргувате со црно злато
„АЛКАЛОИД“ СЀ ПОБЛИСКУ ДО ЕВРОПА: Компанијата регистрираше ново друштво во Хрватска, осми по ред правен субјект основан во земја членка на ЕУ
„НАЈСРЕЌЕН СУМ КОГА ГО СОБИРАМ СЕМЕЈСТВОТО И ОДИМЕ ДА ПАКУВАМЕ МЛЕЧНИ ПРОИЗВОДИ“ - познатиот бизнисмен Дабевски ексклузивно за „Бизнис муабети“ на Фактор
ЗА ПОМАЛКУ ОД 2 МЕСЕЦИ: Кој директор на државна фирма успеа да потроши 35 милиони евра?
ЗА ПЛОЧКАР, МОЛЕР, ФАСАДЕР МОЖЕ ДА СЕ СЛУЧИ ДА ЧЕКАТЕ СО МЕСЕЦИ: Дали се ова „златни времиња“ за занаетчиите?
„ДЕБАРСКИ БАЊИ-ЦАПА“ НАЈАВУВА ИНВЕСТИЦИИ ЗА ГОДИНАВА ОД 163 ИЛЈАДИ ЕВРА - и дивиденда за акционерите, сепак, ќе има
Финансиските инспектори лани биле страв и трепет за функционерите
