НЛБ Тутунска банка – пониски приходи од камати, повисоки од провизии

Добивај вести на Viber

НЛБ Тутунска банка АД Скопје ја заврши 2013 година со раст на нето добивката од 25,1% во однос на 2012 година. Според консолидираниот неревидиран финансиски извештај за минатата деловна година, доставен до Македонската берза, банката остварила нето добивка од над 625 милиони денари (повеќе од 10 милиони евра) во 2013 година. Приходите од камати се намалени за 9,0%, во најголем дел поради намалување на кредитното портфолио кај приватните претпријатија, пониски каматни стапки на кредитите, и поради пониска состојба на пласирани средства во благајнички записи и намалени каматни стапки кај истите. И расходите од камати се пониски за 9,4% како резултат на намалување на каматните стапки и на пониското салдо на депозити од приватни претпријатија и држава во текот на годината, намалување на каматни стапки кај депозитите од население и поради отплата и намалување на обврските по кредитните линии од IFC и EFSE, како и пониски EURIBOR каматни стапки, информираат од Банката. Во исто време, нето приходите од провизии се зголемени за 2,9%,  пред се како резултат на повисоки приходи од провизии од домашен платен промет и провизии од картички и услуги преку мрежа.