Нов лидер на политичка партија на Албанците во Македонија, БЕСА
Објавено во: Македонија 18 Февруари, 2018
Африм Гаши е избран за нов лидер на БЕСА.
На денешниот конгрес одджан во Тетово со 522 гласа „за“, 12 „против“ и 8 воздржани Гаши беше изгласан за лидер.
Конгресот беше одршан на барање од страна на групацијата во БЕСА што побара смена на Биљал Касами.
„Отсега БЕСА ќе биде партија не само на Албанците, туку на сите народи кои живеат во Македонија и кои ги бараат нивните права коишто им следуваат“ – рече Гаши, додавајќи дека ќе се залага за петте точки од програмата на партијата, меѓу кои евроатланската интеграција, подобар живот за граѓаните, еднаква правда за сите, отворена партија за сите и за редефинирање.
Тој додаде дека нивните патишта со Касами се веќе одвоени без разлика на тоа каква одлука ќе донесе судот.
На конгресот беше избран и Совет за набљудување на партијата и Централен совет како највисок орган на партијата меѓу два конгреса.
На конгресот присуствуваа и претседателот на ДПА Мендух Тачи, Елми Азири од Алијанса на Албанците, претставници на Турската Демократска Партија и претставници на дипломатскиот кор.