Добивај вести на Viber
Општина Прилеп планира целосно да го реконструира и адаптира објектот за ТППЕ во старото Индустриско училиште за потребите на противпожарната единица. Со оваа активност, пожарникарите треба да добијат подобри условите за работа и поголем простор за изведување на вежбите.
Од Општината најавија дека во тек е имплементацијата на проектот „План за развој на прекуграична заедничка заштита од пожар - FIRESHIELD”, кој е одобрен од ИПА програмата за прекугранична соработка со Република Грција. Проектот се спроведува од страна на 5 партнерски организации: Центар за развој на Пелагонискиот плански регион, Развојна Агенција на Лерин-АНФЛО, Општина Битола, Општина Прилеп и Регионот на Западна Македонија.
Сите овие активност се имплементираат од април 2012 год, а во тек е постапката за јавна набавка на 14 комплети на противпожарни заштитни одела кои ќе ги задоволуваат сите стандарди на ЕУ, јавуваат од Прилеп.