Нов земјотрес го погоди Мексико
Објавено во: Свет 24 Септември, 2017
Додека трае справувањето со последиците од силниот земјотрес, Мексико се соочува со нов потрес со интензитет од 6,2 степени според Рихтеровата скала кој е регистиран во централниот дел на Мексико, соопшти Американскиот геолошки институт.
Епицентарот на потресот бил на територијата на мексиканската сојузна држава Оаксака.
Според Американскиот институт, станува збор за втор по јачина потрес по земјотресот со интензитет од 7,1 степени според Рихтеровата скала, што во вторникот го погоди централниот дел на Мексико. Според последните податоци, при овој земјотрес загинаа најмалку 272 лица.