23 Мај, 2017
0.1051

Нова ера на младинското информирање

Објавено во: Мои пари 17 Март, 2017

Во Струга, Коалиција СЕГА, Европската Агенција за Младинско Информирање и Советување – Луксембург и УМКИ - Хрватска разменуваа искуства и најдобри пракси за младинското информирање во Европа и иницираа процес за воспоставување на национална структура за младинско информирање во Македонија.

Во периодот од 13 – 17 март во Струга, се одржа средба помеѓу младински информативни работници од Македонија, Луксембург и Хрватска, како дел од проектот „Youth Information Workers fit to Youth“, кој Коалиција СЕГА го спроведува во партнерство со Европската Агенција за Младинско Информирање и Советување и УМКИ. Проектот е поддржан од Национална Агенција за Европски образовни програми и мобилност, како дел од програмата Еразмус+, Клучна Акција 2 (Стратешко партнерство во полето на млади).

На средбата беа споделени искуства и најдобри пракси за методи и техники за младинско информирање со посебен фокус на Европските трендови за онлајн информирање. Во рамките на проектот беше изготвена Анализа на потребите на младинските информативни работници во Европа, и врз основа на идентификуваните потреби се изготви Водич со најдобри пракси наменет за младинските информативни центри во Европа.

Ова е нова ера на младинското информирање. Во Струга го инициравме процесот на собирање на најдобрите практики од работата на младинските информативни работници во Европа, и истите беа преточени во “Водич” кој ќе биде важен ресурс за Европските младински информативни работници”, истакна Зоран Илиески, Коалиција СЕГА.

Претставникот на Европската Агенција за младинско информирање и советување (ERYICA) даде особен придонес во делот за насочување на планирањето за воспоставување на национална структура за младинско информирање во Македонија, пренесувајќи ги искуствата на европската мрежа за младинско информирање во која членуваат младински информативни центри од 27 земји.

„ЕРИКА е силен поддржувач на Македонија во развојот на младинското информирање. Во 2010 година, во соработка со СЕГА, го отворивме првиот Младински Информативен Центар во Прилеп по европски стандарди, а во изминатите денови работевме и на планирање за воспоставување на национална структура за младинско информирање во Македонија“, истакна Имре Шимон, ЕРИКА, Луксембург.

Следејќи ги европските трендови на средбата се работеше на јакнење на капацитетите на младинските работници од информативни центри од Прилеп и Кавадарци за користење на новите технологии во насока на подобрување на информирањето на младите во Македонија.

„Младинската Информативна Работа е од суштинско значење за подобрување на животот на младите, заштита на нивните права и вклучување во општеството. Оттука, со учеството во овој проект, и на оваа обука, ги споделив праксите и искуствата на УМКИ во насока на зајакнување на капацитетите на младинските работници од Македонија. УМКИ ќе ја продолжи соработката со СЕГА за воспоставување на нови инфо центри во Македонија.“, изјави  Тамара Токиќ, УМКИ – Хрватска.

Младинските информативни центри ИНФО СЕГА во Прилеп и Кавадарци се воспоставени во согласност со Европската Повелба за младинско информирање и се единствени од ваков вид во Македонија.

Можеби ќе ве интересира

Престижна филмска награда за “Езеро од јаболка“ во Чешка

Престижна филмска награда за “Езеро од јаболка“ во Чешка

Погледнете ја велосипедската оф-роуд тура низ Мариово прикажана со дрон и go pro камера

Погледнете ја велосипедската оф-роуд тура низ Мариово прикажана со дрон и go pro камера

СТОПАНСКАТА КОМОРА НА МАКЕДОНИЈА И СОВЕТОТ НА СТРАНСКИ ИНВЕСТИТОРИ ОРГАНИЗИРАА ГОЛЕМ ХУМАНИТАРЕН ГУРМАНСКИ ПИКНИК ВО ГРАДСКИОТ ПАРК ВО СКОПЈЕ

СТОПАНСКАТА КОМОРА НА МАКЕДОНИЈА И СОВЕТОТ НА СТРАНСКИ ИНВЕСТИТОРИ ОРГАНИЗИРАА ГОЛЕМ ХУМАНИТАРЕН ГУРМАНСКИ ПИКНИК ВО ГРАДСКИОТ ПАРК ВО СКОПЈЕ

Воодушевувачки: Биткоинот расте како од вода, докаде ќе оди?

Воодушевувачки: Биткоинот расте како од вода, докаде ќе оди?

Летен саем на книга во Рамстор Мол

Летен саем на книга во Рамстор Мол

Напишана е нова историја на светските берзи! + Бесплатен прирачник за тргување на берза

Напишана е нова историја на светските берзи! + Бесплатен прирачник за тргување на берза

МКЦ преполно по повод Прво па женско

МКЦ преполно по повод Прво па женско

Напишана е нова историја на светските берзи! + Бесплатен прирачник за тргување на берза

Напишана е нова историја на светските берзи! + Бесплатен прирачник за тргување на берза

Вашиот принц ве очекува вечерва во Skopje City Mall

Вашиот принц ве очекува вечерва во Skopje City Mall