Добивај вести на Viber
Комисијата за хартии од вредност (КХВ) ги одобри Правилата за формирање и начинот на користење на Гарантниот фонд на Централниот депозитар за хартии од вредност АД Скопје.
Како што појаснуваат од КХВ, со нив се овозможува средствата на Гарантниот фонд да се активираат на денот на предвиденото порамнување преку воведување на втор циклус на порамнување кој би се одвивал само во случај на неисполнување на услови за порамнување на паричната страна во утврдениот термин, при што последниот рок за уплата да биде истиот ден.
„На ваков начин, сите активности кои Централниот депозитар ги спроведува се концентрирани во еден ден, со што се зголемува сигурноста на инвеститорите и се намалува ризикот од непорамнување, согласно роковите утврдени при склучувањето на трансакцијата. Истовремено, се избегнува и привремено исклучување на членките од членство во Депозитарот и тоа во случај на непорамнета трансакција од технички причини од страна на деловните банки, со што се креира лош репутациски имиџ и за членките на Централниот депозитар за хартии од вредност АД Скопје и за пазарот на хартии од вредност во Република Македонија“, стои цо соопштението на КХВ.