НОВИ ПРОБЛЕМИ ЗА МЕРКЕЛ: Каков тим сака да состави?

Добивај вести на Viber

Германија ќе добие нова Влада. По финалниот преговарачки маратон, кој продолжи близу цело деноноќие, предводените од Ангела Меркел демохристијани и левите на Мартин Шулц од Германската социјалдемократска партија (СПД) се договорија за основите на второ преработено издание на широка владејачка коалиција. И додека на прв поглед стабилноста во земјата за следните четири години е загарантирана, тогаш подлабокото согледување на фактите зборува дека пред лево-десната голема коалиција претстојат тешки времиња.

Меркел ги повика помладите членови на нејзината партија да ги пополнат министерските места во новата Влада.

„Мора да се осигураме дека не влегуваат предвид само оние над 60 години, туку и помладите луѓе“- вели  таа за една германска телевизија.

Канцеларката застана во одбрана на „мачните“ отстапки што беа направени за централно-левичарските Социјалдемократи (СПД) со цел да се постигне коалициски договор.

Договорот следеше по неколкумесечно натегање откако изборите не дадоа јасен победник.

Овој договор треба да биде одобрен од 460.000 членови на СПД, чие гласање се очекува во март.

Нејзината Христијанско-демократска унија има шест министерски места.

Некои членови на нејзината конзервативна партија среќни што клучна позиција како Министерството за финансии отиде во рацете на СПД и се плашат дека фискалната дисциплина на претходниот министер за финансии, Волфганг Шојбле ќе стане минато.

Меркел не е на мислење дека губи на авторитет.