НОВИ САНКЦИИ ЗА КИМ: Што се не смее Северна Кореја?
Објавено во: Свет 12 Септември, 2017
Советот за безбедност на Обединетите нации едногласно ја усвоил резолуцијата за новите санкции за Северна Кореја поради нејзиниот шест и најсилен нуклеарен тест и тоа ублажена верзија на првичниот американски предлог за резолуција.
Резолуцијата не опфаќа замрзнување на имотот на севернкорејската влада и лидер Ким Џонг Ун како што бараа САД, пренесоа агенциите.
Со најновата резолуција се забранува Пјонгјанг во наредните 12 месеци да увезува сирова нафта, но и сте облици на течен гас, додека увозот на нафтени деривати се ограничува на два милиони барели годишно.
Со резолуцијата се забранува извоз на сите текситилни стоки, додека на сите земји им се забранува да издаваат нови работни дозволи за работници од Сверна Кореја, што се два клучни извори на цврста валута за Пјонгјанг.
Ова е деветтата резолуција која 15 членки на ОН едногласно ја усвоија поради нуклеарната програма на Северна Кореја од 2006 година. Вашингтон првичниот предлог на резолуцијата го ублажи како би добил поддршка од Кина и Русија.