НОВИ ЗАКАНИ: Северна Кореја ќе им се одмазди на овие две земји
Објавено во: Свет 14 Септември, 2017
Официјален Пјонгјанг се заканува со употреба на нуклеарно оружје за да „ја потопи Јапонија“, а САД да ги претвори во „прав и пепел“.
Oвие закани се упатени кон овие две земји затоа што дале поддршка за резолуцијата и санкциите на Советот за безбедност на ОН донесени поради последната нуклеарна проба на Северна Кореја.
„Четири острови од тој архипелаг треба да бидат потопени во море со нуклеарна бомба. Јапонија повеќе не смее да постои во наша близина. Ќе го сведеме копното на САД на прав и пепел. Го изразуваме нашиот бес со мобилиација на сите средства за одмазда што ги подготвувавме досега“- стои во оопштението.
Во новите закани на Северна Кореја кон Јапонија исто така се критикува земјата дека „игра како што ѝ свират САД“ и се додава дека не треба да биде простено што не се извинила искрено за непростливите злосторства врз нивниот народ, алудирајќи на агресијата на Јапонија врз Северна Кореја.
Јапонија веднаш го осуди ова соопштение на Северна Кореја и рече дека е „исклучително провокативно и нечуено“ и дека ги зголемува регионалните тензии.
Тензиите се зголемија откако Северна Кореја го спроведе својот шести, и далеку најмоќен нуклеарен тест на 3 септември.
15 члениот Совет за безбедност едногласно ја изгласа резолуцијата изготвена од САД и новата рунда санкции во понеделникот како одговор, забранувајќи го текстилниот извоз на Северна Кореја што е втор по големина по извозот на јаглен и минерал, и ограничувајќи го снабдувањето со гориво.