Добивај вести на Viber
Одлуките на македонски власти да и одземат одобренија за поедноставна царинска постапка и увоз на нафта и нафтени деривати на ОКТА, ќе ја зголемат цената на горивата во Македонија, јавуваат грчките медиуми.
Електронските гласила денеска ја пренесоа и реакцијата на ОКТА која е дел од грчката рафинерија „Хеленик петролеум“, според која аргументите на македонските царински власти за одземање на одобренијата немаат никаква врска со реалноста и како што најавуваат, ќе ги искористат сите правни и административни средства за да ги побијат.
Во дел од грчките медиуми се тврди дека сега единствена алтернатива за Македонија е да увезува гориво од рафинеријата во Бургас, која е дел од „Лукоил“, но тоа е многу поскапа варијанта поради скапите трошоци за транспорт. Во меѓувреме, дел од весниците, ја пренесуваат и изјавата на министерот за финансии Зоран Ставрески дека не очекува да дојде до криза во снабдувањето со нафта во Македонија.