Обама: Ветувам дека ќе примиме 360 илјади бегалци
Објавено во: Свет 21 Септември, 2016
На специјален самит во Обединетите нации на кој домаќин беше токму Барак Обама вети дека годинава САД и сојузниците ќе примат 360 илјади бегалци во 2017-та со што речиси двојно ќе се зголемат квотите во сите држави.
Исто така побара и од бизнисмените формирање на специјални донаторски фондови кои ќе бидат употребени за финансирање на мигрантите кои ќе најдат работа или ќе стартуваат фирма.
„Мора да признаеме дека бегалците се симптом на големи неуспеси, без оглед дали е тоа војна, етнички тензии или прогони“ посочи Обама пред светските лидери кои исто така мораа да ветат дека ќе се вклучат во решавањето на бегалската криза.
Според Обама со новите напори од државите се собрани 4.5 милијарди долари кои итно ќе се прераспределат во организациите за помош на бегалци при Обединетите нациии, а поддршката за решавање на кризата со над 20 милиони бегалци годишно ја поддржува голем број на држави.