Обединети нации: Алепо е кланица, ќе се одговара за воени злосторства
Објавено во: Свет 21 Октомври, 2016
Телата за заштита на човековите права при Обединетите нации известуваат дека сирискиот град Алепо кој е под опсада на силите на Асад помогнат од руската воена авијација се претворил во кланица и дека ќе се бара одговорност за воени злосторства.
Зеид Раад ал-Хусеин, комесар за човекови права, од Женева соопшто дека ќе се спроведе истрага за воени злосторства против режимот на Башр Ал Асад како и инволвираноста на Русија во воздушните напади кои го срамнија со земја Алепо, а жителите се соочуваат со страшна хуманитарна криза.
Големи критики пристигнуваат и од другите членови на комисијата за човекови права кои најавија дека ќе покренат процедура пред меѓународниот суд за злосторства против човештвото и дека Русија само ја влошува состојбата.